比蘭倫斯主Ｗ執甘

猪拉多纳

葡萄牙盃4強首回合，葡甲球隊比蘭倫斯主場對甘馬雷斯。現時葡盃只剩低比蘭倫斯來自葡甲，表面睇落好似勢孤力弱，其實比蘭倫斯好可能係鬥志最好球隊，因為葡盃冠軍可取得歐霸盃入場券，以改善球隊財政狀況。比蘭倫斯規模細資源有限，對於盃賽會更加着緊，今場佢哋贏波機會唔低，主W值得留意。

（周四凌晨4時開賽）

比蘭倫斯屬於里斯本球隊，曾幾何時都喺葡超打滾，對於葡超球隊絕對唔會陌生，對住實力一般嘅甘馬雷斯都唔覺蝕底。況且比蘭倫斯近況大勇，聯賽已取得六連勝，今場可恃長勝氣勢強襲甘馬雷斯。值得一提比蘭倫斯歷史曾8度打入葡盃決賽，可見球隊對於本土盃賽有幾咁着緊。
甘馬雷斯士氣差勒住踢

甘馬雷斯剛啱喺聯賽畀賓菲加狂炒4蛋，對於球員士氣會有不良影響，考慮到球隊作客表現唔係標青，唔排除甘馬雷斯喺首回合會勒住嚟踢，留待次回合返主場先同比蘭倫斯搏過，甘馬雷斯戰意有疑，主W較可取。