荷蘭強勢搶攻愛沙尼亞

猪拉多纳

重返一線勁旅行列嘅荷蘭，今晚喺世界盃外圍賽歐洲區D組主場迎戰實力平平嘅愛沙尼亞，挾住之前4戰全勝佳績，加上兩大名將史奈達同雲達華治齊齊回歸大軍，要大勝一場話咁易，就算讓「-2」，安高照捧1.6倍「讓主」。

（無綫翡翠台周六凌晨3:30直播）
史奈達 雲達華治回歸

經歷上年暑假嘅恐怖歐國盃後，「橙軍」近排狀態明顯回升，除咗4場外圍賽全勝外，就算近兩場熱身賽對住一線強隊德國同意大利都能夠保住不敗。球隊愈戰愈勇，仲打起咗新星阿當馬希，不過呢位阿爾克馬爾中場今期要代表U21出戰，佢位置會落入番獲重召嘅雲達華治手中，加上喺加拉塔沙雷重新上路嘅史奈達亦喺缺陣4場後歸隊，今晚荷蘭強陣出擊，贏少球都唔制啦！

愛沙尼亞呢邊，目前4戰1勝排尾2，歷來兩鬥荷蘭都被大炒，今仗佢哋仲有兩大主力包括中場謝特甘斯同守將大衞蘭齊齊缺陣，前線要靠35歲老將奧柏支撐，憑乜爆冷吖？

歐洲區D組