洪都拉斯主場恰到墨西哥

猪拉多纳

世界盃中北美洲區第四圈外圍賽，由周六清晨起有三場比賽舉行，首先出場有洪都拉斯主場對墨西哥。單講世界排名墨西哥當然高一截，但過往作客洪都拉斯都係輸多贏少，今場要讓波就有危機，「讓球主勝」開出機會較高。

（周六清晨5時開賽）

洪都拉斯經常畀人睇小，但近期演出絕簡單，於第四圈首輪分組賽擊敗出線熱門美國。其實洪都拉斯足球水平正不斷回升，由去年最低72位，升到現時第49位，進幅令人驚訝。實在洪都拉斯有不少國腳都喺美職搵食，比如侯斯頓戴拿模球員奧斯卡加斯亞以及新英倫革命射手謝利賓特臣，於首輪賽事鬥美國都取得入球，要攻破墨西哥大門唔係難事。墨西哥已曾多次與洪都拉斯交手，多數都係主隊勝出，今場洪都拉斯受讓不妨捧「讓球主勝」。