荷蘭搶韁吼「半場大」

猪拉多纳

世界盃歐洲區D組外圍賽，榜首荷蘭主場迎戰愛沙尼亞贏面高，不過主W熱至1.02倍冇肉食，基於下周中仲有一場鬥羅馬尼亞跟尾，荷蘭為保留體力今場肯定希望速戰速決，可惜「半場主勝」亦熱到得1.26倍，建議捧「半場大」。

（無綫翡翠台周六凌晨3時30分直播）

荷蘭一向都係外圍賽之王，今屆身處D組依然保持水準，頭四輪已先後擊敗土耳其、羅馬尼亞及匈牙利三支實力最接近球隊，而且贏波過程非常輕鬆，今場對手只係世界排名89位嘅愛沙尼亞，相信冇人懷疑主隊會攞唔晒三分。睇番今次荷蘭點兵，尹佩斯、洛賓、史奈達都在陣中，雖有射手亨特拉爾落選，但燕豪芬射手謝明蘭斯今季狀態唔錯，外圍賽已入三球成為球隊神射手，進攻火力有保證。荷蘭頭四場分組賽都於上半場取得領先優勢，當中三次半場總入球都在兩球或以上，可揀「半場大」。