蘇聯盃決戰聖美倫秤先

猪拉多纳

拜仁今季未遇過任何風浪，德甲更帶甩成條街，大有條件做三冠王，惟上周歐聯居然幾乎出局，證明要有一定競爭，先可以喺各條戰線keep住高水準。

相近嘅情況發生喺些路迪，由於死敵格拉斯哥流浪被貶落丙組，仲以為些路迪可以喺蘇格蘭橫掃，結果冇競爭反而令佢哋疏忽大意，搞到喺蘇格蘭聯賽盃4強止步，無緣成為國內三冠王，今晚決賽竟由分別排聯賽尾三嘅赫斯同尾二嘅聖美倫角逐。
赫斯上兩圈靠互射12碼晉級

今戰安排喺中立場格拉斯哥咸頓公園球場上演，由於雙方都冇乜護級壓力，近期都已經徹底放棄聯賽，故近績都冇乜參考價值，但睇番晉級之路，聖美倫上圈話晒都淘汰些路迪，反觀赫斯對上兩圈都要去到互射12碼階段先搞掂對手，晉級之路唔多夠說服力，想搵隻杯仔捧吓都唔容易，平手盤撐聖美倫。

（開賽時間：周日晚11:00）
足球重心：聖美倫、國際米蘭（平手）

馬膽推介：5場(4)綽力之城

今季兜兜轉轉試過增程1400米，又轉戰快活谷，但始終以沙田1200米最首本，上場遇上慢步速先被「威威具星」走甩，今仗排檔內移有望反先。