撐史特加「讓客」有「福」

猪拉多纳

法蘭鋒力弱過藥煲

「灰姑娘美夢幻滅！」阿占早前睇到篇德國報道，話季初係威係勢嘅法蘭克福，依家已經變成強弩之末，連續5場聯賽冇波入嘅危機仍然無解決方法，今晚佢哋喺主場迎戰史特加，想解決入球荒有難度，仲點讓人波？阿占幾大都撐受讓嘅史特加1.85倍「讓球客勝」。

（有線61及64周日晚10:30直播）
史特加門神Fit到漏

法蘭克福今季開局表現突出，到依家都仲排緊聯賽第5位，不過外表風光就內裏坎坷，連埋上星期0:0悶和漢諾威，佢哋已經連續5場聯賽食白果，期間只得3和2負成績，前鋒拿傑雖然已經傷愈，但呢隊波依家信心盡失，要寄望佢哋開齋贏波唔係易事，試問仲邊有資格讓波？

史特加目前同尾3仲有一段距離，不過佢哋講到明要盡快搶夠分上岸，尤其歐霸盃同拉素大戰完之後，依家可以集中精神完成德甲任務。而且史特加門將施格近期狀態大勇，連德國國家隊領隊勒夫都點名讚揚，如果佢今戰發揮水準，法蘭克福嘅疲弱鋒力更加難作惡，史特加今場成功搶分機會極高。
頂占筍盤：史特加（讓球客勝）