巴塞醒神歎私房菜

猪拉多纳

新教宗為美斯打氣

「地上最強」歸位喇！今晚西甲巴塞隆拿主場迎戰華歷簡奴，巴塞上周中歐聯四球大炒AC完成驚天大逆轉，軍心大振，新教宗方濟亦表態話自己係美斯的粉絲，有埋新教宗祝福下啲運氣即時返晒嚟，「私房菜」華歷簡奴此時造訪魯營，猶如送羊入虎口，就算「讓球主客和」讓二球都冇有怕，「讓球主勝」照跟。

（now 632周一凌晨4時直播）

阿根廷籍的新任教宗方濟唔單止係聖羅倫素的球迷，原來佢都係美斯的粉絲，最近更在球王的微博送上祝賀，搞到美斯非常興奮，有埋新教宗的祝福，巴塞真係旺氣逼人。

講番隊波，巴塞上周中歐聯次回合對AC米蘭，眾將不惜氣力，踢出近期少有嘅前場壓迫，全民皆攻如狼似虎，打到AC有氣冇碇抖，憑住美斯梅開二度，最終大勝4比0完成大逆轉，唔單止驚險過關，仲令球隊精神面貌大為改善，踢波有時係講道氣，依家巴塞挾住歐聯大勝嘅餘威，試問又有邊隊可攖其鋒？
華歷簡奴殘陣等劏

儘管巴塞今仗有沙維同域陀華迪斯因傷停缺陣，但對面嘅華歷簡奴亦有沙卡度、查維富亞高及巴迪斯達奧需要服刑，其中巴迪斯達奧更係進攻嘅命脈，冇咗呢位小將嘅穿針引線，華軍反擊能力大打折扣。

況且華歷簡奴近4次交手淨吞19蛋，全無還手之力，名副其實係巴塞嘅 「私房菜」，今仗陣容不整之下，作客對住重拾信心嘅「地上最強」，勢成待宰羔羊，巴塞贏三粒可謂最低消費，強捧「讓球主勝」。