巴塞兩個膽：2:0 3:1

猪拉多纳

外國賭仔有句術語：double or nothing。橫掂都輸清光，不如盡地一煲博多次啦，可能贏番轉頭呢！依家巴塞隆拿就面對呢個情況，佢哋聽日凌晨歐聯對AC米蘭，如果能夠收復首回合失地，就可繼續向錦標進發，若果追唔番，就得番西甲可爭，全世界都會質疑「地上最強」呢個稱號？

Peter並非跟紅頂白之人，冇錯巴塞作客AC係輸兩粒，但只不過係一場波啫，試問邊隊波冇低潮先？就算巴塞真係緣盡16強，但仍然有大把好球員在陣，美斯依然係世界足球先生，如果咁就斷定巴塞「王朝瓦解」，喂，好兒戲喎！
紅黑軍難守「180」分鐘

巴塞依然係當今世界頂級球隊，就算首回合落後「紅黑兵團」兩球，但返番魯營就係第二個古仔，要搵隊波可以守得住佢哋「180分鐘」，你估話咁易！Peter相信巴塞今仗可以順利勝出，但「讓球主勝」都係得1.6倍咁奀，不如直接買波膽。Peter提供兩個波膽畀大家：第一個係巴塞贏2比0需要加時，第二個就係AC入到一粒，激嬲咗巴塞，最後輸1比3。

另一場歐聯8強戰加拉塔沙雷作客對史浩克04，加軍擁有杜奧巴同史奈達，但佢哋係咪真係咁堅，加盟冇耐就帶領球隊晉級？Peter好有疑問，今場勝負變數太多，故不作任何推介。

金句：一鋪過﹕double or nothing