英甲升班戰吼賓福特

猪拉多纳

英甲兩支有力爭升班球隊今晚對撼，賓福特主場惡鬥史雲頓。賓福特聯賽兩連敗近況較差，不過今場賽果關乎升班資格，相信賓福特會重現強者本色，喺主場力挫史雲頓。今場開出平手盤，賓福特值得捧場。

（周三凌晨3時45分開賽）

賓福特近兩場落敗兼冇入球，或多或少同客場有關，佢哋喺周中快車檔期重返主場比賽，對球員演出肯定有好冇壞。史雲頓前領隊迪肯尼奧離開之後，球員唔及以前咁集中，上仗對住華素爾就喺尾段失守，最終只能打和二比二，今次遇到實力更強嘅賓福特就難取分。

英冠方面，列斯聯主場對彼德堡捧主W。雖然話彼德堡有心護級，但球隊似乎有心冇力，今場未必威脅到主隊。列斯聯勝在主場表現穩定，加上近年喺主場對彼德堡都能順利贏波，今次再贏好正路。