不來梅打爭氣波撐舒哈夫

猪拉多纳

喺事事問責嘅球圈嚟講，費格遜同雲格呢類在位多年嘅主帥真係冇幾多個，德甲方面，舒哈夫亦喺不來梅教咗10幾年，近期隊波跌watt，一度有傳舒哈夫帥位不保，一眾球員隨即表態力撐，最實際行動梗係喺今晚作客慕遜加柏時踢番場好波啦！不來梅受讓平半要下盤。

（有線61、64、201及203周日凌晨1:30直播）

今年5月就係舒哈夫在位雲達不來梅滿14年，佢最好成績就梗係03/04球季揚威德甲。不來梅近期喺聯賽連輸3場之後，只係比降班區域高7分，雖然傳過舒哈夫會被開刀，不過球會總監艾真尼隨即挺身澄清：「我哋從來無考慮過換帥，對舒哈夫好有信心！」幾個主力亦話要幫教練爭番啖氣，戰意值得信賴。
慕遜加柏主場冇霸氣

主隊慕遜加柏仲有機會爭歐洲賽資格，不過佢哋近排都好頹，上場先終止6場不勝，之前主場亦已經連和3場，仲失咗7球咁多，狀態認真麻麻。慕遜加柏近期失波多，本來仲可以靠進攻補數，可惜貴價前鋒盧克迪莊表現唔對辦，近期又決定唔同前鋒漢基續約，睇嚟今場未必贏到波囉！
頂占筍盤：雲達不來梅（下盤）