拖肥大王連根拔起

猪拉多纳

另一場八強戰愛華頓主場迎戰韋根，莫耶斯帶領「拖肥糖」十一年來冇盃落袋，今季爭盃決心好大，場場強陣搏殺，國內盃賽六戰全大，今次對住護級分子韋根又會喪攻爭勝，大盤屬投X首選。

（now 633及660周六晚8時45分直播）
愛華頓盃賽全大

莫耶斯02年3月14日接掌愛華頓，以蔗渣價組軍交出燒鵝成績威震英超，被冠以費Sir接班人美名，但獨欠一隻獎盃揸手。「拖肥糖」今季兵源充裕，莫帥喺國內盃賽不時派遣費蘭尼、謝拉域同巴尼斯等正選搏殺，聯賽盃連足總盃六戰全部大晒，曾於聯賽盃5比0大炒奧連特，足總盃5比1狂數車頓咸，對手雖弱，但都要有強勁火力先炒得起，足見決心極大。

韋根情況相對尷尬，主帥馬天尼斯慣於足總盃用卡林麥馬拿文同菲維爾等後備兵，但抽到靚籤對住馬爾斯菲同哈特斯菲爾德等次級球隊見關過關，不過會方以護級為先，預期馬天尼斯會續用二線兵，惡唔出樣，就當佢哋唔識死強陣出擊，要作客葛迪遜公園發圍都唔易。兩軍今季聯賽兩次碰頭全大，相信今戰都唔例外，熱捧大盤，可兼顧「讓球主勝」。