另類創富坊

猪拉多纳

項目：第一隊入球

推介：登地聯

蘇格蘭足總盃8強戰，登地主場鬥登地聯。登地聯去年兩度鬥登地都贏，明顯食住對手，登地聯近期賽事好快入局，自一月尾踢咗七場賽事，有六場都先拔頭籌，就算作客對些路迪慘敗二比六，登地聯都率先入波。相反登地近六戰有五場都首先被攻破城池，第一隊入球當然揀登地聯。

（周日晚8時45分開賽）
項目：首名入球

推介：加里夫巴利（熱刺）

英超熱刺主場鬥阿仙奴，近期熱刺氣勢更強，翻查近三次對賽往績，原來首先入波嘅都係熱刺，揀首名入球又點可以唔揀加里夫巴利？呢名威爾斯國腳近期着晒火，熱刺連盃賽近五場比賽，「巴利仔」有四次係首名入球球員，所以就算賠率熱啲都要揀！

（有線300及200台周一凌晨零時直播）
項目：半場主客和

推介：里奧艾維半場和

葡超里奧艾維今季異軍突起，依家殺上聯賽前列，由於攻力疲弱，該隊惟有倚靠的是固若金湯的防守，同對手周旋，比賽初段分外小心，睇番佢地近十場賽事，竟有八場開半場和，今仗對手艾斯杜尼唔係好貨色，預計半場雙方都係玩拉布鬥磨，半場和值得追多鋪。

（周一凌晨零時開賽）
項目：單雙

推介：錫耶納單

在意甲榜尾掙扎的錫耶納，今晚主場迎戰阿特蘭大，由於前者護級形勢險峻，加上瑞士射手恩洛辛艾馬加拉腳風超順，近三仗入四粒，睇番錫軍近十二場聯賽只有一場和波，當中有七場開單，證明佢地已經豁出去進攻爭勝，咁蹺遇上近十三場九度開單的阿特蘭大，呢場看來會繼續埋「單」。

（周日晚10時開賽）
項目：半全場

推介：阿爾克馬爾客客

荷甲華域克主場鬥阿爾克馬爾，阿軍本季作客表現更勝主場；雖然近四場聯賽不勝，但今輪作客華域克，對手歇冬後一和五負，狀態更差，不如直取阿爾克馬爾客客。阿軍本季連盃賽共取得十一場勝仗，其中九次係半場已經領先，比率逾八成；作客贏七場，亦有六仗係由頭贏到落尾。近兩戰華域克輸波都係半場已落後，撐阿軍客客。

（周日晚9時30分開賽）
項目：半場大細

推介：奈梅亨半場大

荷甲一向入波多，由朗奴高文率領的飛燕諾踢法進取，尤其係作客場合更為明顯，意大利鋒加斯安奴柏利弗到漏油，近六場作客有五場有士哥，令飛軍近六次作客有五次開半場大，今仗作客奈梅亨勢必再做急先鋒，一開波就搶攻，半場大開出機會高唱入雲。

（now 639周日晚7時30分直播）
項目：讓球

推介：紐約紅牛平手盤

美職波特蘭伐木者主場對紐約紅牛開出平手盤，客隊可坐和望贏。今季紐約紅牛陣容強大，前場除有星級前鋒亨利之外，亦從巴甲華斯高引入一代罰球大王祖連奴比南布肯奴，雖然話「P祖」已經38歲，但要佢為隊友鋪橋搭路及主射罰球就絕對應付得嚟，佢喺法國多年，相信好快可以同亨利建立起默契，開鑼日有力勇挫波特蘭伐木者。

（周一早上8時30分開賽）
項目：總入球

推介：洛杉磯銀河「2」球

美職總冠軍嘅洛杉磯銀河進行衞冕第一擊，球隊喺主場迎戰芝加哥火燄。銀河季前未有羅致太多球員，名氣較響就只有意大利門將古迪仙尼。不過愛爾蘭射手羅比堅尼未走，美國當路雲經過小休之後亦已回歸銀河，球隊攻力應有一定保證。留意到銀河近三次對賽都能攻入芝加哥火燄2球，今場不妨小敲總入球「2」。

（周一早上6時開賽）