再反傻豹冇甩「拖」

猪拉多纳

好多朋友賭波時特別留意「新帥效應」，覺得有個新教頭領軍會有一番新氣象，正常情況下呢個理論都成立，不過，有啲球隊換帥換到亂晒龍，令球員無所適從，意甲球隊「傻豹」巴勒莫就係最佳例子，佢哋換極教頭都冇起色，睇怕都係冇得救，今晚作客拖連奴一於再反佢哋，捧拖連奴！

（周日晚7時30分開賽）

巴勒莫曾幾何時係意甲前列份子，不過，呢班波近年係咁賣走主力，家陣隊內冇乜邊個踢得，由於戰績曳，管理層希望透過換帥帶來新衝擊，但係班球員根本唔掂，搵個莫連奴嚟教都冇用啦，經過幾次換帥後，班波元氣大傷，家陣深陷榜尾位置，奄奄一息，恐怕都係凶多吉少。拖連奴主場有惡氣，今次讓半球係合理盤口，要上盤。
卡利亞里受讓係「鬼盤」

同日另一場意甲賽事博洛尼亞主場對卡利亞里，卡利亞里近期踢到曉飛，對住羅馬同AC米蘭等名牌球隊都唔使輸，今次對住同級球隊博洛尼亞有得受讓，有冇咁筍先？以卡利亞里近期勇態，呢場波開平手盤都唔過分，無啦啦有得受讓，必有景轟。博洛尼亞主場發揮尚算平穩，今場盤口硬淨，似出擊格局，捧上盤。
肥叔心水

CF格蘭納達大

拖連奴上盤

博洛尼亞上盤

卡坦尼亞平手盤

森多利亞上盤

賀芬咸下盤

馬拉加下盤

皇家蘇斯達上盤