多倫多未ready撐白帽

猪拉多纳

美職聽朝正式重燃戰火，由於碧咸離開後未有星級戰將頂上，令今季變得更冇觀賞價值，賽會真係要諗諗計點樣搞番旺佢。
白帽獲李奧曲卡加盟

由於今季較過往提早一周開鑼，亨利等巨星都冇時間返歐洲打散工，但並唔代表各隊嘅備戰工夫較佳，組軍方面更遇到唔少阻礙，好似上季包尾嘅FC多倫多，佢哋嘅新帥賴恩尼爾遜一個月前仲幫昆士柏流浪打緊波，對於呢位教練初哥嚟講，肯定未學滿師，至於中場大佬芬寧斯，亦去到本周二先決定掛靴，令多倫多失晒預算，至於好有機會加盟嘅威爾斯射手安梳爾，目前都仲試緊腳，可見成隊波根本未ready，聽朝喺加拿大打吡作客宿敵溫哥華白帽都幾麻煩。

溫哥華白帽加入美職短短兩年，去季就成功殺入季後賽，今季佢哋積極增兵，除咗搵到仲好當打嘅李奧曲卡加盟之外，王牌射手堅尼米拿亦繼續留效，實力有增無減，讓得起多倫多半一。

（開賽時間：周日早上7:30）