維加泰頭炮誓挫風林

猪拉多纳

日職「神奇球隊」仙台維加泰主場迎戰甲府風林，維加泰近年成績蒸蒸日上，上季更成為亞軍，皆因球隊擁有夢幻鋒線，赤嶺真吾同威爾遜洛迪古斯，兩人上季聯賽共轟入27球，的確犀利。維加泰已建立固定班底，默契及人腳質素兼備，今季乘勢挑戰錦標，首仗正好攞新升班嘅甲府風林祭旗。

（周六下午1時開賽）

維加泰2010年升上日職，僅以14位過終點，但翌季即殺上第四，上季更獲得亞軍，成績不斷進步，打起晒信心，今季目標直指冠軍寶座。維加泰留住兩位高質射手赤嶺真吾同威爾遜洛迪古斯，前者上季聯賽有14球進帳，後者入13球，堪稱日職最佳鋒線組合。加上中場梁勇基、菅井直樹、太田吉彰都有數胡能力，進攻立體令對手防不勝防，甲府風林勢難招架。
甲林回歸日職未夠班

甲府風林闊別一季，上季以超班姿態奪得日乙冠軍回歸日職，但日乙水準始終唔可以同日職相提並論。事實上，風林一直都係「升降機」，徘徊於日職同日乙之間，睇怕今季都係以護級為目標，難製造爆冷賽果。