祖記唔放過里

猪拉多纳

歐聯無憂 南下搏盡

意甲榜首大戰拿玻里主場對祖雲達斯，基於祖雲達斯下周中要出戰歐聯16強次回合，故今場提前於周六凌晨進行。拿玻里近況差劣，連同意甲及歐霸盃已五場不勝，最麻煩係幾位進攻球員包括卡雲尼、恩斯治尼及彭迪夫都離奇「啞火」，祖雲達斯有望喺客場勝出，平手盤捧客隊。

（廣東體育頻道周六凌晨3時45分直播）

祖雲達斯下周要出戰歐聯16強次回合對些路迪，不過祖記首回合已經領先三球，晉級形勢相當樂觀，球員大可專心應付今場大戰。
拿玻里鋒線死火

賽前有消息指前拿玻里球王馬納當拿會親臨聖保羅球場打氣，但對球隊未必係好事，實在上輪聯賽拿玻里作客烏甸尼斯時，馬納當拿以私人性質返回意大利，本以為神級球星回歸會增強拿玻里士氣，但奇就奇在當日幾位進攻主力包括卡雲尼及恩斯治尼好似撞邪一樣，頻頻喺門前浪費機會導致和波收場，如今馬納當拿更親臨聖保羅球場，對拿玻里係好係壞真係唔敢講。

就算撇除不利因素，其實祖記近況亦比主隊好，而且佢哋係意甲客場勝出率最高球隊，南下作客絕對有力贏波。基亞連尼已復出，有助提升「斑馬兵團」防守力，平手盤值捧。