史特加打吡戰拆紐

猪拉多纳

打道氣踢得密唔怕攰

今晚主力同大家研究德甲南部打吡，史特加主場迎戰紐倫堡，史特加疲兵出戰受到各方質疑，主勝同上盤喺全球走勢都回緊飛，不過Oliver呢場要同大方向唱反調，力撐史特加可以一鼓作氣贏埋今仗，主隊小讓平半捧上盤。

（周六晚10時30分開賽）

史特加喺拉巴迪亞帶領下係一支大起大落嘅球隊，呢位少帥崇尚進攻，當球隊處於佳態時，攻勢會水銀瀉地，睇到球迷眉飛色舞，但狀態差時就會連戰連敗，冇段好睇，佢喺體能訓練同催谷士氣方面嘅功力一直唔見得出色。球隊歇冬前後經過艱難時期，聯賽5連敗令排名由季初嘅第6位急跌至15位，不過呢班波始終有相當質素，近期勤拚下反而踢起狀態，上仗聯賽護級關鍵戰作客贏咗賀芬咸回升至12位可鬆一口氣，跟住喺歐霸盃作客擊敗亨克殺入16強，全隊士氣返晒嚟。
搏完歐霸更精神

史特加啱啱遠征完比利時，嗰場歐霸同今場打吡戰相距只有45小時，各方對佢哋嘅體能狀況都好擔心，所以今場好多球評家都推介紐倫堡，不過Oliver認為呢隊史特加最擅長打道氣，目前贏順咗就算日日踢都唔驚，事實上佢哋近兩場歐霸之後嘅聯賽都贏波，尤其記得去年12月相同情況，佢哋歐霸盃對完挪威球隊莫迪之後，又係抖得45個鐘即要喺聯賽火併史浩克04，結果喺被睇淡下大勝對手3比1，今晚唔使擔心佢哋唔夠氣。
紐倫堡作客冇貨交

紐倫堡喺Oliver眼中評價甚低，呢隊波缺乏創意同進取心，歇冬後失去主帥赫基，戰術更加變得平庸，佢哋自去年9月底至今，9場作客未贏過只攞得3分，計人腳史特加幾乎每個位置都比佢哋優勝，今仗當起嘅史特加因為休息時間不足嘅疑點，所以讓球盤只係小讓平半，上盤博得過。
Oliver 推介：

史特加上盤★★★★

禾夫斯堡讓球勝★★★

利華古遜上盤★★★★