杜塞爾多夫受讓唔怕「克」

猪拉多纳

呢個周中歐聯最令人回味嘅梗係AC米蘭贏巴塞隆拿啦。雖然我自己都投X咗巴塞，但都輸得心服口服，最重要係唔想連續幾年歐聯都好似畀巴塞玩晒咁，其他球隊就係陪襯品！另外，同晚逼和加拉塔沙雷、仲攞到重要作客入球嘅史浩克04，今晚返到德甲將會主場迎戰杜塞爾多夫，我就一於博史浩克04體力恢復唔切，買佢對家！

（有線64及204台周日凌晨1時30分直播）
史浩克歐聯搏得盡

史浩克04喺歐聯嘅表現相當不俗，對住有杜奧巴及史奈達壓陣嘅加拉塔沙雷，雖然賽前被人睇低，但踢落不但冇處下風，更憑住鍾斯喺上半場臨完場前嘅反擊入波逼和對手添。不過，佢哋喺德甲就冇咁威喇，上次主場對榜尾嘅格雷特霍夫竟然輸波，三分全失，暫時排聯賽榜第九位，要攞到下屆歐洲賽資格嘅機會都幾渺茫，依家惟有見步行步啦，由於射手亨特拉爾有微傷，若果今場佢冇正選，或者會起用迪姆普基擔正。

杜塞爾多夫上場喺升班馬大戰主場擊敗格雷特霍夫，暫時得廿七分排聯賽榜十三，已超過護級安全線有成十一分，暫時唔使擔心會受降班威脅。佢哋喺歇冬期加入迪沙同拉特卡等球員，對整體有一定幫助。雖然喺聯賽作客已經三連敗，不過防守唔曳，作客十場只係失十二球，全德甲只係得拜仁少過佢哋咋！

以今季史浩克04海鮮波嘅表現，加上舟車勞頓，小妹覺得04未必可以穩勝，今場一於博杜塞爾多夫可保不敗。「讓球客勝」有2.8倍，可以小試！
Wendy推介：杜塞爾多夫 讓球客勝