屈福特狂風掃落葉

猪拉多纳

肥叔近期密切關注英冠升班形勢，屈福特予人愈打愈有之感，上升勢頭非常凌厲，好大機會取得升班附加賽席位，甚至有條件爭入頭兩位直接升班，今次作客葉士域治仍然值得睇好，讓平半照捧上盤！

（周三凌晨3時45分開賽）

屈福特係英冠名牌球隊，主要因為有個名牌教頭，意大利名將蘇拿踢而優則教，擅於提升球員士氣，隊內其實冇乜球星，但打落整體合作好，成班波一條心，呢點絕對係佢哋近期愈戰愈勇嘅主因。以屈福特目前走勢，相信仲可以向上攀升，今次對住下游分子葉士域治，莊家開緊屈福特讓平半，盤口合理，呢隻上盤值得一試。
拜仁讓唔起兵工廠

歐聯十六強分拆兩周舉行，確係歐洲足協搵銀妙計，重點賽事分開舉行，唔會出現兩場大波對撼情況，無論對球迷或者菠菜公司嚟講都係好事，賽會直播收入又多啲，認真識計數！是日歐聯大戰阿仙奴主場對拜仁，客隊竟然要讓半球，拜仁個勢係好啲，但佢哋始終未去到巴塞嘅級數，作客讓唔起「兵工廠」，呢場點計都係要下盤。