巴塞歐聯前夕大炒「格」

猪拉多纳

唔慣留力美斯等o趙300球

CF格蘭納達今晚喺西甲主場對巴塞隆拿，注定捱打。雖然巴塞喺聯賽領放12分，跟手又要硬撼AC米蘭，但巴塞今季喺歐聯前6戰全勝，今場仲好有機會係美斯出道後，為巴塞攻入第300球嘅大日子，一於博美斯派利是開1.57倍「讓球客勝」！

（now632台周日凌晨3:00直播）
今季歐聯前6戰全勝

「地上最強」目前以12分甩開第2位嘅馬德里體育會，教練維蘭路華又因為養緊病需要繼續遙控領軍，但咁唔代表巴塞出戰AC前會喺聯賽揸流攤。相反，今季巴塞喺歐聯前6戰全勝，對住牌面較弱嘅基達菲、切爾達、薩拉戈薩同畢爾包，更加至少淨勝兩球，證明無論用咩陣容，佢哋都有能力掃低一般西甲對手。
格蘭納達易帥似虛火

唔知各位記唔記得，對上一次美斯喺聯賽冇波入係幾時？答案係上年11月3號對切爾達，即係美斯囝囝出世後第2日，不過當佢真正感受到做老竇嘅喜悅，跟手就創出連續13場聯賽入波紀錄。何況美斯仲差格蘭納達、西維爾同切爾達至可以完成今季西甲通殺，相信今場會加多兩錢肉緊，攻入「巴塞300球」派利是畀球迷。

正因為美斯得到囝囝旺氣帶挈，沙維尋日仲要復埋操添，更何況格蘭納達最近炒教練，即使新教練盧卡斯艾卡拉斯上任後先後砌低皇家馬德里同拉科魯尼亞，軍心未穩可能只係虛火，始終盧卡斯艾卡拉斯帶慣西甲3線球隊，執教功力有限，而且格蘭納達有中場丹尼賓尼迪斯、後衞迪亞加迪同巴恩安古路未好番，好難擋得住美斯。