川迪４連仆「大」反彈

猪拉多纳

今晚荷甲有兩場大細中位數調高至3.5球，阿King今日集中研究呢兩場賽事。首先川迪主場對威廉二世屬大炒格，2.05倍大好抵玩。至於燕豪芬遇上表現硬淨嘅烏德勒支料會遇上一定阻力，呢場捧細啱數。

先講川迪鬥威廉二世，川迪歇冬後頭頭碰着黑，上次主場對烏德勒支因為少打一人而輸波，上周就喺完場前失守被施禾利追和跌咗兩分，搞到連續四場聯賽都贏唔到，不過今周應該係翻身好機會，事關對手係近期三連敗嘅包尾大幡威廉二世。今季首循環碰頭，川迪作客曾以6比2大炒對手，今次有埋主場之利，加上沉咗咁耐，正好攞對手嚟出氣，除捧大盤之外，8倍「主其他」波膽亦可小試。

（now 639周日凌晨1時45分直播）
燕豪芬遇宿「細」剋星

另一場燕豪芬主場對烏德勒支，燕豪芬近八次鬥烏德勒支雖有五勝兩和一負較佳成績，不過勝負差距通常一球起、兩球止，如果以中位數3.5球計，呢八次對賽全部開細。而且烏德勒支歇冬後兩場作客先後擊敗格羅寧根及川迪，表現頗具說服力，今次戰情預料會非常接近，入球相信唔會多。

（now 639周日凌晨3時45分直播）