多蒙特攰爆捱細界

猪拉多纳

德甲尾場聯賽榜二哥多蒙特主場對第四位嘅法蘭克福，多蒙特上輪不敵漢堡後聯賽衞冕已非常渺茫，而且啱啱踢完歐聯攰到爆，今仗仲有主力射手停賽，面對防線大有進步嘅法蘭克福未必咬得入，今場入球大細中位數調整到3.5球唔多合理，黑柴吼細盤。

（有線61及64台周日凌晨1時30分直播）

多蒙特歇完冬本來狀態甚佳，不過近期卻受到傷病問題困擾，遇上頻密賽程頂唔順，上輪主場竟然以1比4慘敗於漢堡腳下，啱啱周中又要喺歐聯作客惡鬥薩克達，力戰至完場前至逼和對手，耗力極多，事隔不足3日，由烏克蘭長途回師德國踢呢場聯賽，球員好難回氣，睇番佢哋今屆踢完歐聯之後嘅一輪聯賽，成績只係3勝1和2負，而且目前已落後榜首拜仁15分之多（未計周五晚賽果），衞冕冠軍機會名存實亡，今仗疲兵出戰未必可以激發求勝心，何況首席射手羅拔利雲度夫斯基上仗被逐要停賽，今場要用久疏戰陣嘅舒希巴掛帥，攻力嚴重削弱。
法福火力跌Watt

法蘭克福向來攻強守弱，但近期情況有變，隊長美亞腳風欠順，新加盟嘅箭頭拿傑經過對漢堡嘅飛躍開始後，上輪主場面對弱旅紐倫堡亦歸於平靜，球隊入唔到波之餘，全場優勢亦無多，不過前線雖缺態，後防因為主力中堅安達臣蘇亞雷斯回歸而穩陣番好多，球隊近兩場都冇失波，今晚作客面對勁旅多蒙特，當然唔會冒險搶攻，預期入波唔會多。