馬賽華西「大」仇口

猪拉多纳

每次馬賽、華倫西恩斯碰頭，波童都好鍾意買大盤，事關呢兩支當年因為打假波被罰嘅球隊積怨極深，落到球場簡直當對手係殺父仇人一樣，所以經常炮製好多入球，今次大盤有1.88倍唔可以錯過。

（now 714周日凌晨零時直播）

波童多年來已經唔只一次講過馬賽、華倫西恩斯呢兩隊波當年嘅恩怨，其實詳情唔重要，只要大家知道佢哋都好憎對手已足夠。從對上六次碰頭，兩軍合共炮製二十四個入球，便知雙方爭勝欲有幾強。更何況馬賽近期防線甩漏多，自歇冬後踢咗七場比賽場場有失波，就算面對甘岡、魯昂等低組別隊伍都唔例外。華倫西恩斯作客亦好失得，連盃賽今季十四場作客只有一場冇失波，上個月仲試過淨吞尼斯五蛋，今場大盤有1.88倍非常抵玩。