格蘭納達擺幸運龜陣

猪拉多纳

巴塞作客玩半場細

正所謂好波不如好運！今晚西甲CF格蘭納達主場迎戰巴塞隆拿，牌面梗係強弱懸殊喇，不過主隊喺新教頭領軍後，唔單止連贏兩仗兼一球不失，仲每場都獲對手送上烏龍波，面對下周中有歐聯後顧嘅巴塞，一定照辦煮碗擺出龜陣迎敵，「地上最強」初段未必咬得入佢哋，半場大細中位數1.5球嘅1.74倍「半場細」捧得過。

（now 632周日凌晨3時直播）

CF格蘭納達今季給斯維嘅印象係有鬥志欠質素，埋門把握勁曳，但又未必大敗，因此呢班波好難估，不過自盧卡斯艾卡拉斯上月尾接手後，佢起用恩拿高盧比斯代替迪亞加迪擔任中堅，令中路穩陣咗好多，並且以強悍嘅列斯奧夥拍米基爾列高喺中場掃波，大大減輕防線壓力，令該隊連贏皇馬同拉科之餘，仲保持清白之身，演出大有改善，今仗對住巴塞一定繼續做縮頭烏龜。
巴塞留力歐聯砌AC

更重要係CF格蘭納達兩場贏波裏面，都係靠對手擺烏龍先開紀錄，對皇馬之役係由天王C朗頂入職業生涯首個老烏，上仗對拉科輪到老將馬真拿，然後專心防守磨死對手，強如皇馬都畀佢砌低，與其說有新帥效應，不如話CF格蘭納達好運到暈。

巴塞有幾勁唔使多講，亦唔會懷疑佢哋贏唔到CF格蘭納達，但聯賽已拋離次席馬體會成12分咁多，下周中歐聯16強仲要作客AC米蘭，今仗略作留力亦無可厚非，面對防守嚴密、鬥心極強嘅主隊，「地上最強」初段隨時老鼠拉龜冇碇埋手，「半場細」有1.74倍幫你逗封開工利是。