水晶宮主場得「米」

猪拉多纳

首席射手着晒火

本周末除咗足總盃之外，英冠一樣有賽事進行，其中一場由水晶宮主場對米杜士堡。兩隊無論排名及實力都相當之接近，度士預計今場係「五五波」。但留意到雙方喺主客成績方面走兩極端，相信水晶宮靠住主場之利可擊敗米杜士堡，度士對主W頗有信心。

（周六晚11時開賽）

水晶宮喺今季主場成績標青，自從季初以二比三不敵屈福特之後，水晶宮就再未曾喺主場輸過，今場當然有捧場價值。特別要留意係前鋒格連梅利，今季已取得24個聯賽入球，暫時排喺神射手榜頭位。而更可怕係七成五嘅聯賽入球都喺主場取得。今晚喺主場對住米杜士堡，相信格連梅利又有機會「數胡」，以擴大神射手榜領先優勢。另外前英格蘭國腳菲臘斯都鹹魚翻生，上輪對屈福特就係靠佢入波逼和對手攞番一分。水晶宮前場火力十足，贏波本錢足夠。
米堡近5作客全敗

至於米杜士堡近五場作客全敗，最近一次作客下游球隊葉士域治就吞夠四蛋，今次對住爭升班資格嘅水晶宮，情況就更加惡劣，1.88倍主W應冇走雞。