皇馬留力做「細」界

猪拉多纳

聯賽冇得追博歐聯發「維」

今晚皇家馬德里喺西甲主場迎戰西維爾，本應係一場精彩大戰，不過「銀河艦隊」下周中要喺歐聯惡鬥曼聯，今場留力事在必行，加上西維爾近排作客死火，中位數3.5球，捧1.75倍入球細啦！

（now632台周日清晨5:00直播）
迪馬利亞踢完國際賽冇跟操

皇馬上場聯賽因C朗嘅烏龍波輸畀格蘭納達，家陣畀巴塞拋離16分，仲邊有得追？查實依家班皇馬兵個心已經飛晒去下周中場歐聯，先係艾辛未踢呢場聯賽已經話會盡力捧走歐聯，C朗又話好期待「紅魔回歸戰」，連莫連奴都話肯定會贏多次歐聯冠軍返嚟，擺明無心戀戰。

更重要一點係，周中啲國際賽令球員體力消耗不少，迪馬利亞歸隊後仲未可以跟操，小妹相信莫帥唔會要班正選喺呢場太搏，留力下星期對紅魔場歐聯16強首回合好過啦！
西維爾作客唔識入波

對手西維爾今季聯賽作客只試過季初贏拉科魯尼亞，就算計埋西班牙盃，最近5場都只入得3粒，火力唔掂。即使近排復勇嘅尼格度連續4場有士哥，其中只得1球係作客射入，西維爾今季西甲又只有4個球員拎到作客入球，證明隊波一外訪就唔識入波，又邊有本錢演入球騷先？