水手搶韁「半W」劏鳳凰

猪拉多纳

國際賽之後，今日下午有場澳職，中岸水手主場對威靈頓鳳凰，水手近期頻頻失分後，榜首位置愈來愈不穩，遇上作客腳軟嘅鳳凰，仲唔趁機發威，重振士氣更待何時？相信佢哋會積極搶攻，務求盡早奠定勝局，以免再甩拖，建議要1.85倍半場勝。

（有線64及204台周四下午4時直播）

水手早前可能領先得太多，導致球員有所鬆懈，近四場得一勝三和，失咗六分，搞到依家只係領先次席墨爾本勝利3分。爭標形勢又緊湊番，水手唔可以再疏懶，會方近期亦有增兵，提升爭標本錢，包括簽下布里斯班獅吼前鋒費斯格拉特。

正選位置競爭激烈，上陣球員應會搶韁，畀多錢肉緊爭取表現，只要佢哋發揮正常水準，半場要攻陷鳳凰，應該冇問題。
鳳凰近4次作客全敗

眾所周知，鳳凰係新西蘭球隊，一離開國土就冇料到，近四場作客更全敗，包括最近一次以1比7慘敗喺FC悉尼腳下，輸到信心盡失。禍不單行係防線主力薛蒙特今場停賽，令球隊雪上加霜，頂唔住矢志搶分嘅中岸水手。