洪都拉斯夾到熟唔怕美國

猪拉多纳

中北美洲區世界盃外圍賽聽日清晨會進入第4圈，過往該區出線形勢一向冇乜變數，正路都係美國同墨西哥雙膽，但由於今屆附加賽改制，第4名唔使再硬撼南美老虎，改為同大洋洲區冠軍相遇，出線機會隨即大增。
美國歐洲兵備戰時間不足

假設第4名都順風順水搞掂，咁即係6隊波踢10場分組賽先踢走兩隊，換句話說並非場場都生死戰，今輪備戰時間仲要得一、兩日，就更易爆冷，當中洪都拉斯主場迎戰美國嘅比賽，平手盤就一定要撐主隊，事關美國嘅歐洲兵團踢完周日球會賽事後，操唔夠兩課就要落場，真係好難信得過。

反觀洪都拉斯嘅主力外流球員，就只得韋根孖寶美羅費古羅亞及羅渣艾斯賓路沙，最緊要係其餘主力都曾經參戰喺一月下旬舉行嘅中美洲盃，夾到熟晒再戰世盃外圍賽，肯定較備戰不足嘅美國優勝。

（開賽時間：周四清晨5:00）
足球重心：洪都拉斯（平手）、比利時（讓球主勝）

馬膽推介：1場(7)寶德

今季復出首戰於中段發力仍輸得唔遠，證明有能力於5班爭功，結果上場即於直路賽開齋，為咗備戰今場谷草1200米，上月更專程渡江試閘，仲要一放到底，今戰快馬唔多又可重施故技。