燦美爾叉足電闖關卡

猪拉多纳

英甲前列球隊燦美爾本周將於主場對卡素爾，燦美爾今季演出標青，有望以聯賽冠軍資格升上英冠，未來半季肯定場場搏盡。今輪聯賽對住實力唔高嘅卡素爾，相信有過短暫休息期嘅燦美爾可以喺主場輕取對手，主勝開出機會極高。
卡素爾作客3連敗

其實英倫球隊喺近期比賽事都幾頻密，唔少球員都踢到氣咳，幸好燦美爾喺繁忙之中得以休息，對球員回復體力有好大幫助。原本上星期燦美爾要對戰史雲頓，但球場積雪而焗住取消。因天氣關係令燦美爾有充裕時間去準備今場比賽，對於球員回復體力有好大幫助。早前傳出艾卡普及麥古卡兩名前鋒都有傷在身，出場機會都係「五十五十」，但最重要嘅得分者卡斯迪肯定冇問題，攻力唔使擔心。卡素爾近3仗作客悉數落敗，近績較差難令人信任。

另外華素爾主場對奧咸，大盤值得留意。華素爾今季踢好主動，聯賽主場開大比率都幾高。而奧咸剛賽擊敗利物浦後信心大增，今場肯定唔會縮縮下，料今場會大駁火，入球數字唔會低。