拿玻里追榜首碌爆卡

猪拉多纳

意甲爭標形勢出現變化，本來上半季祖雲達斯一路領放，但因歇冬後失分頻頻，令到近況大勇嘅拿玻里將積分差距收窄至三分。本周拿玻里主場對卡坦尼亞，為求進一步追近榜首，拿玻里肯定會拚到盡求勝。小島球隊卡坦尼亞向來作客不濟，主隊有力大勝一場，今場可捧「讓球主勝」。

（中央5台周日凌晨3時45分直播）
卡坦尼亞目標欠鮮明

拿玻里歇冬後已經有唔錯演出，再加上假波案上訴成功呢個利好因素，球隊心理質素可謂進一步提升。今場雖然兇悍中堅甘柏拿路停賽，但「細簡」保羅簡拿華路及甘巴連尼都可以上陣，傷兵影響應該唔大。值得一提係波圖中堅路蘭度以外借身份加盟拿玻里，憑佢1米89身高，球隊制空能力必大大增強。留意到拿玻里近五次喺聖保羅球場對卡坦尼亞取得四勝一和不敗，良好對賽往績更令捧場客放心。卡坦尼亞向來都係護級球隊，依家能夠打上頭十位已經超額完成。不過卡坦尼亞唔愁護級，鬥心可能冇以前咁強，爭勝機會自然唔及拿玻里。