奧林比亞會未谷起捱細界

猪拉多纳

明早上演最後兩場南美自由盃外圍賽次回合，頭場巴拉圭球隊奧林比亞會主場對烏拉圭球隊迪芬沙士砵亭，雙方首回合悶和0比0，一切重新開始。奧軍佔地利，理論上可秤先，但佢哋攻力欠佳，想入波並非易事。迪芬沙士砵亭離鄉背井比賽，應會以穩字行先，再謀突擊，預料又係一場拉鋸戰，捧入球細。

（周五早上6時15分開賽）
迪芬沙士砵亭作客唔會搶攻

由於兩國聯賽未開鑼，雙方近一個多月除咗踢一場自由盃外，就冇參與正式比賽，大家狀態未上力，上次交手表現同為乏善可陳，最終互交白卷。奧林比亞會有主場之利，照計會採取主動求勝，但佢哋並非擅攻球隊，而且亦要提防被對手取得作客入球，相信唔敢太冒進，就算贏都係小勝居多。

迪芬沙士砵亭上仗喺自己地頭都入唔到波，好難期望佢哋作客會有大作為，最緊要唔好先失波，咁仲有價講，大不了以互射十二碼分勝負。以迪軍穩健後防，足以抵擋主隊攻擊力。

另一場自由盃，秘魯球隊華利祖大學主場對哥倫比亞球隊杜利馬，兩軍實力接近，「華大」首回合僅輸0比1，今場有天時、地利、人和支持下，戰意必然高昂，要收復失地，機會仍然樂觀，平手盤要主隊。最後荷蘭盃8強維迪斯主場對阿積士，雙方剛於上輪聯賽交手，維迪斯贏3比2，大大提升今場爭勝信心，而且有得受讓，要「讓球主勝」。