維拉留晒力等今晚

猪拉多纳

英超開快車，今晚我睇中阿士東維拉主場對紐卡素嘅護級戰（有線204及304周三凌晨３時45分直播）。相信大家季前都估唔到呢兩隊傳統勁旅搞到要護級，維拉上星期先後喺足總盃同聯賽盃出局，其實咁對佢哋嚟講未嘗唔係件好事，依家可以專心搶分護級。要留意維拉喺上周五足總盃對米禾爾已經收起艾邦拉荷同艾利蘭等主力，相信係為今場做定準備。維拉之前聖誕快車慘遭三連敗，但自從尼索比亞等經驗球員陸續復出，近期表現已經改善，上場聯賽作客西布朗亦取得寶貴一分。

紐卡素上仗主場對雷丁領先一球下，竟然畀對手連追兩球反勝，近六場輸五場，而球隊連同盃賽踢咗十七場作客比賽，竟然一場都未贏過，可見作客真係唔多掂。再睇埋往績，紐卡素近五場作客維拉公園球場未贏過，一和四負直頭係劣績，馬會今場開出平手盤，維拉可以坐和望贏。