史雲斯未回氣平手撐黑貓

猪拉多纳

英超周中快車對史雲斯嚟講肯定攞命，佢哋近期先後喺足總盃及聯賽盃四鬥倫敦雙雄阿仙奴同車路士，球員踢到殘，而且剛進身聯賽盃決賽，完成一項艱巨任務，今場回下氣都好正常。「黑貓」新特蘭抖咗一個半星期，叉足電等搏殺，平手盤主隊值得一試。

（有線301及201台周三凌晨3時45分直播）

史雲斯近期賽程密到爆，踏入一月已踢咗七場波，平均三四日踢一場，其中四場對手仲係阿仙奴同車路士，對於一支中小型班球隊而言，絕對係超出負荷。史雲斯上仗英聯盃四強次回合淘汰車仔，決賽對手只係乙組巴拉福特，可謂捧盃在望，全隊或者仲沉醉於慶功之中，今場作客借勢抖下 ，都好合理。
新特蘭叉足電

新特蘭本土兩項盃賽早已出局，對上一場比賽已經係19號，有充裕時間休息及備戰。而且新特蘭季中成績已有明顯改善，聯賽兩連勝，打番出信心，當然唔想畀佢停，今仗遇上殘兵史雲斯，有力延續強勢。