切爾達主場開蘇咪走寶

猪拉多纳

西甲球隊皇家蘇斯達上場爆冷打破巴塞隆拿聯賽不敗身，表現一流，今次作客切爾達有得受讓，相信唔少朋友都睇好下盤。不過，蘇斯達向來主強客弱，賭波一場還一場計，唔好單單因為上場佢哋演出好就瞌埋眼捧場。切爾達專揀主場賽事搏殺，經過作客三戰不勝後，返到主場又係出擊時候，小讓平半合理，要上盤！

（周六晚11時開賽）

同日另一場西甲賽事薩拉戈薩主場對愛斯賓奴，主隊近況唔掂，入球能力好弱，唔識入波點讓波啊？愛斯賓奴近期連場搶分成功，暫時脫離降班地帶，呢班波質素只係有限公司，對住勁旅冇乜反抗能力，遇上同級對手一定砌盡，撞正薩拉戈薩陷入低潮，梗係要把握機會搶分啦，受讓平半至半球，下盤博得過。

（now 632周日凌晨3時直播）

德甲方面，漢諾威上次同史浩克合演瘋狂入球騷，呢班波有前冇後，讓波幾時都信唔過。禾夫斯堡續有起色，呢場博下盤，同埋入球大。
曼市雙雄玩大盤仲穩陣

同日曼市雙雄喺足總盃出擊，睇落同樣贏面較高，但曼城作客史篤城例牌冇運行，兩班波都會搏命對攻，玩入球大更佳。另一場曼聯主場對富咸讓到球半、兩球太多喇，要下盤、兼顧大盤，博雙殺！
肥叔心水

史篤城大

奧格斯堡下盤

禾夫斯堡下盤、大

切爾達上盤

富咸下盤、大

愛斯賓奴下盤