一哥水手明恰阿德

猪拉多纳

往績贏晒前鋒當弗

澳職聯今日下晝爆發榜首大戰，「一哥」中岸水手喺主場迎戰第二位嘅阿德萊德聯。阿德萊德聯今場陣容有欠完整，搶分唔容易，相反水手主場威力有保證，近年仲要食住「阿德」添，贏波可以話係無難度，1.62倍主勝抵玩。

（有線64、204周五下午4:30直播）
阿德萊德聯作客4戰不勝

水手今季主場6勝1和，近3場仲一球不失，表現令人信服。雖然中場湯洛積轉投些路迪，不過水手喺佢缺席嘅5仗拎到4勝1和，影響唔大。而且仲有可靠射手麥比連掛帥，近3場射入3球嘅佢腳風頗順。睇番兩隊近6次交手，中岸水手全部贏晒，睇嚟佢哋對「阿德」有一手，近4場作客不勝嘅阿德萊德聯今次想攞1分都難。

賽前「阿德」首席射手維度錫話今次係追趕對手嘅好機會，不過佢好似唔記得自己已經3場食白果，據聞今場可能仲要紮住上陣，咁點信得過呀！加上射手摩拉利斯紐曼、中場卡路斯卡、守將法比奧費拉拿又未必出得，縱有守將保加特復出，睇怕都擋唔住水手連續7次交手贏波。