加納亂排陣馬里乘勇搶分

猪拉多纳

非國盃B組出線關鍵大戰今晚上演，加納對馬里形勢上的確需要贏波，之不過睇番近排嘅消息，上場領先兩球被逼和嘅加納確實唔係好掂，亂晒章嘅主帥艾卡華斯艾比亞更加成為圍插對象，撐馬里開1.68倍「讓球客勝」好過！（now676台周四晚11:00直播）
卡華禾艾沙姆竟踢左閘

其實「黑星」加納由組軍到備戰期間都好多麻煩，首先中場阿休盛傳因為細佬佐敦阿休落選，拒絕接受徵召，然後輪到中場安蘭、拉比奧同後衞禾亞沙連環受傷，即使能夠入選都好難有料到，其中上場後備入替嘅安蘭亦公開承認，自己嘅狀態同100%有距離。

最慘就係，領隊艾卡華斯艾比亞亂點兵又亂排陣，佢安排祖雲達斯中場卡華禾艾沙姆上場移後踢左閘，據聞係佢出道以來首次以左閘身份出戰，以前佢最多做左翼衞，最後艾卡華斯艾比亞見形勢唔掂，下半場又嗌佢踢番中場，玩咩？
施度基達領軍士氣好

另邊廂嘅馬里陣中有大批法國落班球員，牌面唔差過加納幾多，佢哋首戰以1:0險勝尼日爾，雖然要到86分鐘至入波，但踢過巴塞隆拿嘅隊長施度基達，加盟大連阿爾濱後狀態保持得幾好，上場馬里就係靠佢入波，有佢帶住士氣比加納好得多，搶到分唔奇。

非國盃B組