|
|
今屆非洲國家盃本來由北非國家利比亞主辦，但卻由於早前發生政變，要順延到2017年先得閒再搞，故主辦權順理成章交畀有申辦世界盃經驗嘅南非。
南非喺兩年半前先搞過世界盃，國內硬件齊備，直播拍攝技術都係最頂尖，單從畫面比較，今屆肯定係最靚嘅一屆非國盃，奈何好多細節仍然有待改善，例如最容易留意到嘅，就係草地質素唔算理想，呢點或許同當地落雨有關，不過最令人失望其實係官方網頁，雖然基本嘅資料，例如積分表，出場陣容，紅黃牌都有齊，但較細緻嘅數據，例如射門、角球次數及控球率都冇，莫講話更仔細嘅個別球員數據。
今屆頭6場分組賽5場打和
非國盃首輪分組賽已經結束，單計頭3組比賽有5場和波，上盤未開過之餘，6戰更只係得1場波開大，完全符合大型國際賽事嘅模式，但要留意嘅係普遍門將能力都頗低，經常有不必要錯誤，預料入球數字可能會上升，所以今晚兩場A組賽事個入球細連1.5倍都冇，係完全唔值博。
今晚A組尾場由摩洛哥大戰佛得角，首次參賽嘅佛得角毫無疑問被視為出線冷門，不過佢哋首戰防線其實相當硬淨，偶爾反擊亦夠威脅，完全唔似係一隊70倍奪冠冷門。反觀摩洛哥雖然有唔少星級球員，包括費倫天拿前鋒艾咸達奧、利物浦翼鋒艾薩迪等等，但全部都各自為政，似係想盡快出局多啲，難怪首戰具威脅埋門絕無僅有，今仗讓波寧取1.85倍「讓球客勝」。（now676台周四凌晨2:00直播）
非國盃A組 |
|
金睛卡
发表于 2013-1-23 10:27
变色卡
显身卡