科特迪瓦怕輸玩守「細」波

猪拉多纳

非國盃死亡D組Kick Off！

非國盃「死亡D組」今晚開打，由於怕輸未必肯攻，科特迪瓦對多哥寧玩1.85倍入球細，事關王牌杜奧巴同耶耶托尼分別受到傷病困擾，唔會有100%狀態，好難帶挈科特迪瓦開入球騷。

（now676台周二晚11:00直播）

科特迪瓦連續4屆至少入4強，仲試過兩奪亞軍，牌面的確夠強，射手謝雲奴、中場沙洛文卡勞同中堅高路托尼全部喺歐洲球會効力，弊在隊長杜奧巴已經34歲，最近佢仲曾經受傷，話唔埋會死火。

要知道科特迪瓦連續4屆分組賽首戰開入球細，何況曼城中場耶耶托尼最近曾經患感冒送院，依家到底回復番幾多成狀態冇人知，好可能延續首戰例牌開入球細嘅走勢。
多哥射手艾迪巴約戰意不足

對手方面，多哥除咗有大批法甲球員壓陣，主要靠熱刺射手艾迪巴約食胡，可惜佢擺脫唔到槍擊陰影，其實非常抗拒踢非國盃，家陣佢勉強出戰亦未必係好事，假如希望快啲踢完收工，當然係玩入球細穩陣。
非國盃賽制：

16支球隊分4組進行單循環分組賽，每組首、次名躋身淘汰賽。

非國盃D組