蝙蝠突襲死火艦隊

猪拉多纳

皇馬西甲冇嘢爭戰意難測

休戰咗一個月嘅香港甲組足球聯賽喺呢個星期重開，傑志今日會喺主場將軍澳運動場出戰橫濱FC（香港），亦係「張峰」重返傑志嘅第一擊，簡簡單單，希望球隊全取3分，等我有一個好開始！
華倫爭前4一定搏

今晚西甲重演上周中西班牙盃首回合戲碼，但今次輪到「蝙蝠軍團」華倫西亞主場迎戰「銀河艦隊」皇家馬德里。皇馬上周中以2:0輕取華倫，睇落呢支星光熠熠嘅球隊好似有啲回勇迹象，但查實佢哋今季內部分化問題嚴重，主力間不和嘅新聞日日新鮮，就連「寸王」莫連奴同隊中幾位大哥，好似沙治奧拉莫斯、卡斯拿斯同C朗輪流唔妥，積落咁多問題，今場作客實力分子真係唔多穩陣，今晚「張峰」睇好華倫2.12倍「讓球主勝」。

（now632台周一凌晨4:00直播）

華倫主場表現唔錯，特別係今場倒戈嘅蘇爾達杜一向有貨交，加上打入前4目標鮮明，爭勝心唔使懷疑。佢哋首循環去到巴拿貝都能夠搶分而回，心理上並唔輸蝕，相信今晚可以畀到對手麻煩。況且皇馬依家喺西甲高不成、低不就，今季目標應該放晒喺歐聯同西班牙盃，眾星為咗面子，都會選擇喺兩個盃賽搏命啦，聯賽就戰意難估喇！畢竟失去目標之後，對爭勝動力唔多唔少都會有影響，相信亦係「死火艦隊」西甲接連失分嘅原因。「張峰」認為今晚勝負在於雙方嘅爭勝決心，亦相信華倫嘅能力，撐硬華倫！
皇馬作客近況差

‧皇馬近6場作客只贏得1場。

‧華倫15場主場只有1場無入球。

‧華倫主場3連勝。
信交手往績博開大

翻查往績，華倫西亞近6場主場對皇馬全部開大，當中5場雙方炮製至少5個入波，咪話唔誇張。兩隊今場夾埋有多名防守球員缺陣，更客易開出「入球大」。若然皇馬再一次收起守護神卡斯拿斯，不妨扒冷博埋16倍「總入球7+」。
張峰來料：華倫西亞（讓球主勝）