馬賽主場屆反彈時

猪拉多纳

非洲國家盃決賽周展開，唔少喺法甲搵食嘅非洲兵都要離隊出戰，本周投X法甲前要留意。今晚頭場直播賽事，馬賽主場鬥蒙彼利埃，馬賽歇冬後狀態一般，換來今場吸引賠率，蒙彼利埃缺少兩大主力貝漢達及艾卡奧達利，周中法聯盃落敗已見其影響，一於捧馬賽反彈開主Ｗ。

（now 714周日凌晨零時直播）
非國盃打擊蒙彼利埃

蒙彼利埃周中於法聯盃四強淨吞雷恩兩蛋，或多或少同中場大腦貝漢達及後防主力艾卡奧達利離隊踢非國盃有關，而且經過周中一役，球員難免有疲態，今場作客更難睇好。馬賽歇冬後表現一般，除咗上周聯賽作客不敵護級分子索察，之前於法足盃面對乙組仔甘岡亦要踢至加時才險勝，狀態畀唔到人信心。不過馬賽畢竟仍是目前聯賽三甲分子，而且只落後榜首里昂三分，爭標機會仍在，而且佢哋板櫈深度比對手優勝，就算同樣有卡迪亞及卡保尼要為非國盃服役，整體戰鬥力仍有一定保證，有主場之利可以睇高半線。