昆士柏起Q扑錘

猪拉多纳

韋斯咸主場對昆士柏流浪，自從夏利列納成為昆士柏流浪領隊後，球隊演出確實有改善，起碼後防唔似得以前咁鬆散，呢點對佢哋爭取積分好有幫助。韋斯咸近期狀態回落，主場出擊亦唔覺有太大取勝把握，昆士柏流浪受讓可捧「讓球客勝」。

（有線303及203台周六晚11時直播）
韋斯咸傷兵滿營

昆士柏流浪近兩場聯賽對番倫敦兵都交到好成績，先係以1比0爆冷擊敗車路士，及後對熱刺都能打和攞番一分。今次對住另一支倫敦球隊韋斯咸，再有分落袋都唔出奇。唔好忘記佢哋對戰車路士及熱刺時都能保持不失，以韋斯咸現時差劣狀態，能否撕破昆士柏流浪防線都好成疑問，要讓波更難樂觀。韋斯咸領隊艾拿戴斯於賽前表示，球員經常受傷搞到佢排陣都有問題，而今場就有佐治麥卡尼及祖爾奧拜仁因傷缺陣。韋斯咸負面因素多，昆士柏流浪「讓球客勝」可期。