羅馬缺進攻big4攻細難求

猪拉多纳

相比起冇種子制度嘅英格蘭足總盃，意大利盃係一個極度偏幫勁旅嘅本土盃賽，事關上季聯賽前列分子除咗喺16強先至加入外，仲可以獲得主場之利，所以嚟到8強都係名門雲集。今晚就上演本圈最後一輪淘汰賽，由費倫天拿主場迎戰羅馬，入球大細中位數去到3.5球，1.68倍入球細屬首選。

（now631台周四凌晨4:00直播）

過往改得做3.5球嘅賽事，唔係關巴塞同皇馬事，就係強弱懸殊嘅比賽，但今季卻多埋羅馬嘅名字，因為「雌狼」今季踢法都幾有前冇後，不過今仗卻會變成冇前冇後，事關奧斯華度同拉美拿都要停賽，托迪同迪斯度亦都有傷在身，呢個big4組合正正就係羅馬入球最多球員，火力勢必大減。
費倫天拿歇冬後死火

至於費倫天拿又能唔能夠趁對手殘陣入多幾粒呢？睇落又未必，原因係「紫百合」自歇冬後演出走樣，先後不敵佩斯卡拉同埋烏甸尼斯，兩場夾埋仲只係靠對手射入一球烏龍波，前線死晒火，今鋪點睇都唔似係一場入球騷。

足球重心：費倫天拿（入球細）、基維辛迪（讓球客勝）

馬膽推介：7場A愛寶駒

今場正路首選本來係排1檔嘅「天賦傳奇」，但查實今場快馬唔多，「愛寶駒」可以順放，又比上次同前駒交手時有成15磅差距，絕對有條件反先。

法聯盃、意盃、葡盃賽制：法聯盃為4強戰，意盃及葡盃均為8強戰，以上賽事均以一場過分勝負，若法定時間內打成平手，需加時作賽，再和就互射12碼決勝。