紅魔順細扑錘

猪拉多纳

韋斯咸作客守得穩

今晚上演英格蘭足總盃第三圈重賽，曼聯主場迎戰韋斯咸，雙方上次大手交易，紅魔輸兩個頭槌冇晒面，今次唔會重蹈覆轍；「錘仔幫」作客以穩行先，本季十次客戰，總入球九成開3球或以下，曼聯收起尹佩斯難大勝，大細中位數調升至3.5球，捧細！

（now 633及660周四凌晨4時05分直播）

曼聯本季銳不可當，目前仍有力問鼎「三冠王」，領隊費格遜當然較睇重英超同歐聯，足總盃會派二線兵應戰，故料尹佩斯、卡域克、艾舒利楊格、艾拉等會被收起，查維亞靴南迪斯、史高斯、阿歷山大畢拿、基斯史摩寧等會取而代之。
上年尾小勝1:0

紅魔雖然朗尼同拿尼已傷愈，今仗有機會落場；但尹佩斯唔首發攻力打八折，而「小豌豆」做後備好過正選，故實難大炒。另外，曼聯對足總盃冇咁肉緊，都會減低入球能力。

韋斯咸領隊艾拿戴斯好識計數，明知己方實力有限，本季客戰大打穩陣波，去年11月尾聯賽造訪奧脫福，只係僅敗0比1，今戰會踢相同戰術望偷雞。「錘仔幫」客戰攻力曳極，近四戰都冇入過波，呢次搵借將查馬克擔大旗，要射破曼聯大門難過登天。預料今仗曼聯小勝晉級居多，捧細盤好路。

雙方上仗和2比2，回歸韋斯咸的祖高爾有出色表現，幾乎淘汰曼聯，這位老將的演出仍然值得留意。另一老將傑斯賽前表示仍未有退休決定，打埋今季至算。