意盃8強國米「-1」值博

猪拉多纳

意大利盃八強戰國際米蘭主場對博洛尼亞。歇冬之後國米於意甲取一勝一負，其中贏波賽事就在主場以兩球淨勝佩斯卡拉，似乎球隊喺聖西路球場作賽較有取勝把握，今晚應可輕鬆擊敗博洛尼亞而晉級，「讓球主勝」可優先留意。

（now 633及660周三凌晨4時直播）

計晒所有盃賽及聯賽，國際米蘭自去年10月至今保持主場不敗，而且勝出率亦相當之高，相信國米希望透過盃賽以延續主場佳績。事實上，國米意盃奪標次數僅次於羅馬及祖雲達斯，特別係2000年打後，國米更曾4度奪盃，可見球隊對於意大利盃有幾重視。

歷史數據反映出國米有強大爭盃鬥志，唔使擔心球員今場會「揸流攤」，縱然史坦高域、森美爾、長友佑都仍處於養傷期，但上述幾位球員已缺陣咗一段時間，球隊早就適應，傷兵所構成嘅影響唔大。

博洛尼亞剛賽大勝基爾禾四粒，但今次作客就唔敢睇好，加上博洛尼亞後備兵源同質素有限，比如基拿甸奴及迪亞文迪等進攻主力，根本冇可能場場拚盡，周中又再上陣或影響發揮。
施帥要向博洛尼亞報仇

另外，國米教練施特拉馬斯安尼於球員時代，就係遭博洛尼亞棄用。當年施帥未上陣已被解約，今次必把所有怨氣，全數發洩喺對手身上，戰意肯定百分百，國米「讓球主勝」有2.15倍抵玩。