愛華頓又搵天鵝着數

猪拉多纳

愛華頓主場鬥史雲斯，拿仁強捧「拖肥糖」。「天鵝」史雲斯遇魔鬼賽程，球隊剛於聯賽盃搏盡殺敗車仔，嚟緊周中足總盃重賽又作客阿仙奴，今場英超戰意成疑。愛華頓近三次對賽均淨勝對手，主W1.49倍熱透，開出機會極高！

（有線301及201台周六晚11時直播）
史雲斯留力炸廠

「天鵝」史雲斯本季表現贏盡掌聲，前鋒米捷踢到曉飛，聯賽盃作客淨勝車仔兩粒，認真犀飛利。史雲斯目前排聯賽中游，應會將注意力擺於盃賽身上，而「拆車」一場佢哋搏得好盡，匆匆再戰本身已蝕底；下周中仲要惡戰阿仙奴，相信領隊米高盧特立會識取捨，今戰會勒住班波。

愛華頓於足總盃同樣過關，但過程輕鬆得多，作客數車頓咸5比1，主力謝拉域、費蘭尼、巴尼斯等都有波入，加上往績食住對手，捧主W啱數。