祖記AC主場炒得起

猪拉多纳

意甲榜首球隊祖雲達斯，歇冬後首場比賽就對住作客嘅森多利亞。祖雲達斯於積分榜遙遙領先，教練干地話希望喺歐聯重開前擴大優勢，鞏固積分榜領導地位。森多利亞實力有限，近三場聯賽更全敗，狀態不佳難抗強敵，「讓球主勝」可捧。
帕爾馬可勝巴勒莫

至於同時間舉行仲有AC米蘭主場對錫耶納，今季「紅黑兵團」最成功就係打起咗前鋒艾沙拉維，錫耶納後防鬆散難防「小法老王」，強弱懸殊場合同樣選擇「讓球主勝」。而帕爾馬主場對巴勒莫就捧主W，巴勒莫聯賽作客未贏過，相反帕爾馬聯賽主場不敗。雙方賽績各走極端，帕爾馬可輕取對手。

（周日晚10時開賽）