蒙迪拿引領費倫高飛

猪拉多纳

費倫天拿班主達拉華利兄弟，本來對搞波心灰意冷，仲盛傳會放賣而專注打理家族皮革生意。但喺少帥蒙迪拿帶領之下，球隊成功從低位反彈，亦令到老闆重拾信心及興趣。可以講費倫天拿已經脫胎換骨，今場面對佩斯卡拉有力大勝，「讓球主勝」開出機高。

（周日晚10時開賽）
有力輕取佩斯卡拉

自意大利領隊柏蘭迪利離開之後，「紫百合」曾改由米赫洛域及迪里奧羅斯執教，不過上述二人未能為球隊帶來好成績。而當「飛機佬」蒙迪拿接手之後，費倫天拿就唔同晒。經過約半季賽事之後，費倫天拿已經打到上前列位置，隨時可取得來屆歐聯參賽資格。其實蒙迪拿能妙手回春，全靠龐大教練團隊。據悉蒙帥身後有多達八位助手負責處理球隊各類事務，較特別係有個專門設計罰球戰術嘅教練基安尼韋奧。今季「紫百合」曾作客以三比一擊敗AC米蘭，頭兩個士哥就憑罰球取得。面對今季大勇嘅費倫天拿，佩斯卡拉難免處於下風。實在佩隊作客已六連敗，今次到訪佛羅倫斯可謂凶多吉少。