華素爾撻着唔怕茅

猪拉多纳

本輪英甲頭場由華素爾主場對樸茨茅夫，兩支排名較低球隊以樸茨茅夫近況較差，連續三場聯賽落敗，上仗對史雲頓更慘吞五蛋，樸茨茅夫無論狀態及士氣都處於低位，今次都幾難反彈。華素爾有主場之利兼回勇，相信可順利取勝，今場捧主W。

（周六凌晨3時45分開賽）

占美柏達臣曾屬曼聯獵物
其實華素爾早前走勢都幾差，但於聖誕及新年快車檔期突然發惡，近四場聯賽取得三勝，表現可以用脫胎換骨嚟形容。對於球隊出現突變，領隊迪恩史密夫特別提到前鋒占美柏達臣，呢位廿一歲青訓產品今季已取得六個聯賽入球，迪恩史密夫話佢進步幅度大得令人驚訝，屬球隊明日之星。而原來占美柏達臣於學徒時代已被曼聯XX（目及）中，可見佢係可造之材，今晚對住弱隊樸茨茅夫，相信又係占美柏達臣嘅表演時間。

客隊樸茨茅夫最近一次贏波已經係去年十月，及後都交唔出理想成績，樸茨茅夫已喪失鬥志，今場都係凶多吉少。