喜伯年作「赫」冇有怕

猪拉多纳

贏完班霸 射手返晒嚟

蘇超新年快車最後一站，由赫斯主場對喜伯年守尾門，前者雖因場地問題，上輪有得抖抖養精蓄銳，但喜伯年上仗唔單止勇挫班霸些路迪，其首席射手利治格菲斯更打破入球荒，重拾信心，作客對住赫斯冇有怕，「讓球客勝」穩開冇甩拖。

(now 638周五凌晨3時45分直播)
赫斯財困人心惶惶

赫斯今季一直受財困影響，由於班主羅曼諾夫閂水喉唔再泵水，並希望搵到買家接盤，搞到人心惶惶，自十一月起共出賽十場，赫斯只係贏得三場咁大把，可見一斑。儘管上輪作客羅斯郡因場地問題獲得休息，不過赫斯仍有丹尼基格及占美夏美爾因傷缺陣，就算有主場之利，都唔好睇得佢地太高。
利治格菲斯破入球荒

相反，喜伯年上仗爆冷擊敗榜首些路迪，而連續七場食白果的利治格菲斯，更一箭定江山打破入球荒，暫與恩華尼斯的比利麥基同得14球，並列射手榜一哥，更重要係呢位射手宣布一月轉會窗重開唔會離隊，留守到季尾至算，幾個利好消息刺激下，喜軍依家士氣大振，與死氣沉沉的赫斯相比，完全係天壤之別，寧買當頭起，梗係要喜伯年「讓球客勝」喇。