阿仙奴作客打守「細」波

猪拉多纳

上周末8場英超創出今季單日總入球最多紀錄，但去到快車4連環嘅尾站，適當輪換係在所難免，戰力亦要重新估計。上仗搞出總入球雙位數嘅阿仙奴，今晚英超尾場作客修咸頓，逆其道捧2.25倍入球細。

（有線200、300及廣東體育周三凌晨1:30直播）

阿仙奴上場大勝後，主帥雲格當然對禾確特讚不絕口，但現時首要任務，除咗要同呢位轉型成功嘅正箭頭傾續約外，就係要執番靚條防線，今場作客點都以穩陣行先。事實上，阿仙奴對上4次作客聯賽，就只得對雷丁開出入球大，冇咁容易又開入球騷。

至於對家修咸頓方面，上場雖然同史篤城合共炮製6個入球，但返到主場面對強敵「兵工廠」，一樣唔敢輕舉妄動，睇番往績，佢哋近5次主場賽事亦一律開細，今次值得跟多鋪。
加里夫巴利停賽吼熱刺角球細

近期除咗入球多，角球都唔少，熱刺喺拆禮物日作客維拉，就搶到16個角球，不過今戰有擅長強行突破嘅翼鋒加里夫巴利停賽，今戰主場迎戰雷丁，側擊能力勢必大減，至於客軍礙於質素，壓逼能力有限，對上8場有6次開角球細，今次角球中位數係11.5球，可以考慮捧細。

（有線204及304周二晚11:00直播）
足球重心：阿仙奴（入球細）、熱刺（角球細）

馬膽推介：8場(6)多多利

上仗初戰1600米遇上慢步速，都能夠後上跑得接近，演出合格有餘，有過一場經驗後可望補中。